राष्ट्रीय फ्लोरेन्स नाइटिंगेल पुरस्कार २०२६ (May 2026)

महाराष्ट्राच्या चंद्रपूर येथील नर्सिंग अधिकारी उज्ज्वला महादेव सोयम यांना नवी दिल्लीतील राष्ट्रपती भवनात आयोजित विशेष सोहळ्यात राष्ट्रपती द्रौपदी मुर्मू यांच्या हस्ते प्रतिष्ठित 'राष्ट्रीय फ्लोरेन्स नाइटिंगेल पुरस्कारा'ने (National Florence Nightingale Award) सन्मानित करण्यात आले.

प्रमुख मुद्दे :

विजेत्या : उज्ज्वला महादेव सोयम (शासकीय सामान्य रुग्णालय, चंद्रपूर).
निमित्त : आंतरराष्ट्रीय परिचारिका दिवस २०२६ (International Nurses Day 2026).
एकूण विजेते : या सोहळ्यात देशभरातून निवडक एकूण १५ नर्सिंग अधिकारी व कर्मचाऱ्यांचा त्यांच्या उत्कृष्ट सेवेसाठी सन्मान करण्यात आला.
पुरस्काराचे स्वरूप : पदक, प्रमाणपत्र, प्रशस्तीपत्र आणि १ लाख रुपये रोख रक्कम.
उपस्थित मान्यवर : केंद्रीय आरोग्यमंत्री जे. पी. नड्डा, आरोग्य राज्यमंत्री प्रतापराव जाधव आणि आरोग्य सचिव पुण्य सलीला श्रीवास्तव.

उज्ज्वला सोयम यांच्या कार्याचे विशेष पैलू :

२४ वर्षांची समर्पित सेवा : त्यांनी गेल्या २४ वर्षांपासून चंद्रपूर जिल्ह्यातील दुर्गम, आदिवासी आणि नक्षलग्रस्त भागात आरोग्य सेवा दिली आहे.
महत्त्वाचे योगदान :
- नक्षल प्रभावित भागात कन्या भ्रूणहत्या रोखण्यासाठी विशेष योगदान.
- आरोग्य जनजागृतीमध्ये सक्रिय पुढाकार.
- नैसर्गिक आपत्ति प्रवण क्षेत्र आणि कठीण भौगोलिक परिस्थितीत, उच्च जोखीम (High Risk) असलेल्या गर्भवती मातांची आणि बालकांची काळजी घेण्यात नेहमीच तत्परता दाखवली.

आंतरराष्ट्रीय परिचारिका दिवस २०२६ ची संकल्पना (Theme) :

संकल्पना : "आमच्या परिचारिका, आमचे भविष्य: सक्षम परिचारिका जीव वाचवतात" (Our Nurses. Our Future. The economic power of care).